तल्लो डुंगेश्वर-पालेतडा सडक जीर्ण हुँदा बढ्यो दुर्घटनाको जोखिम

सुर्खेत- कर्णाली राजमार्गअन्तर्गत दैलेखको तल्लो डुंगेश्वरदेखि पालेतडासम्मको सडकखण्ड जीर्ण भएको छ। नियमित रूपमा सवारी साधन सञ्चालन हुने जीर्ण सडकमा दुर्घटनाको जोखिम बढेको छ।

यो सडकमा दैनिक गाडी चलाउँदै आएका रमेश शाही सडकका खाल्डा तत्काल पुर्नुपर्नेमा जोड दिँदै अविलम्ब मर्मतसम्भारका निम्ति सम्बन्धित निकायको ध्यान जानुपर्ने बताउँछन्। बांगेसिमलदेखि दहीखोलाको बीच भाग डुंगेश्वर-पालेतडासम्मको झन्डै ३० किलोमिटर सडक तत्काल मर्मत गर्नुपर्ने उनी बताउँछन्।