एक महिनामा आमाको नामबाट ३३ जनाले लिए नागरिकता

वीरगन्ज । नेपाल नागरिकता (चौथो संशोधन) नियमावली, २०८२ मन्त्रिपरिषद्बाट स्वीकृत भई राजपत्रमा प्रकाशन भएलगत्तै पर्सामा आमाको नामको आधारमा पनि नागरिकता वितरण सुरु भएको छ । ०८२ फागुन ५ गतेदेखि चैत ६ गतेसम्म आमाको नामका आधारमा जिल्ला प्रशासन कार्यालय पर्साले ३३ वटा नागरिकता जारी गरेको पाइएको हो ।

नेपाल नागरिकता ऐन चौथो संशोधन नियमावली २०८२ आएसँगै बुबाको पहिचान नखुलेका सन्तानको हकमा आमाको नामको आधारमा पनि उमेर पुगेका सन्तानले नागरिकता पाउन थालेको पर्साका प्रमुख जिल्ला अधिकारी भोला दाहालले बताए । पर्सामा यो कानूनी प्रकृया आधिकारिक भएपछि एक महिनाको अन्तरालमा ३३ वटा नागरिकता जारी भइसकेको उनको भनाइ छ ।