बार्सिलोनालाई ९ अङ्कको अग्रता

बार्सिलोना । नयाँ प्रशिक्षक हान्सी फ्लीकको नेतृत्वमा उत्कृष्ट फर्म जारी राख्दै बार्सिलोनाले ला लिगाको शीर्ष स्थानमा ९ अङ्कको अग्रता बनाउन सफल भएको छ । आइतबार राति भएको खेलमा एस्पानियोललाई ३–१ गोलले हराउँदै टोलीले साबिक विजेता रियल मड्रिडलाई पछि छाड्न सफल भएको हो ।

गत हप्ता एल क्लासिकोमा रियलमाथि शानदार जित हात पारेको बार्साले एस्पानियोलविरुद्ध पनि उत्कृष्ट आक्रामक खेल प्रदर्शन गर्‍यो । युवा खेलाडी लामिन यामालको पासमा डानी ओल्मोले खेलको १२ औँ मिनेटमा टोलीलाई अग्रता दिलाए ।