रिक्त स्थानमा  उपनिर्वाचन एकैसाथ 

राष्ट्रपति निर्वाचनसँगै प्रतिनिधिसभा सदस्यतर्फ रिक्त हुने क्षेत्रको उपनिर्वाचन पनि चितवन २ सँगै एकसाथ गरिने भएको छ । प्रमुख निर्वाचन आयुक्त दिनेशकुमार थपलियाका अनुसार चितवन २ का साथै अब रिक्त हुन सक्ने क्षेत्रको उपनिर्वाचन एकसाथै हुनेछ ।

चितवन २ मा १० वैशाखमा उपनिर्वाचन हुनेछ । त्यसबाहेक २५ फागुनमा तय भएको राष्ट्रपति निर्वाचनमा उम्मेदवार रहेकामध्ये निर्वाचित हुनेको क्षेत्रमा उपनिर्वाचन हुनेछ । राष्ट्रपति निर्वाचनमा तनहुँ १ बाट रामचन्द्र पौडेल र इलाम २ बाट सुवासचन्द्र नेम्वाङ उम्मेदवार छन् । यी दुईमध्ये निर्वाचित हुनेबाट एक पद रिक्त हुनेछ । त्यस क्षेत्रमा संसदीय उपनिर्वाचन हुनेछ ।