धानबालीमा क्षति ब्यहोरेका किसानलाई पालिकाबाट नगद सहयोग

नुवाकोट । नुवाकोटको शिवपुरी गाउँपालिकाले वर्षातको कारण धानबालीमा क्षति बेहोरेका किसानलाई नगद राहत उपलब्ध गराउने भएको छ ।

गत कात्तिक ११ गतेदेखि लगातार परेको वर्षातको कारण धान भित्र्याउने समयमा किसानले क्षति बेहोरेका थिए । उक्त समयमा गाउँपालिकाले राहतस्वरूप नगद उपलब्ध गराउने निर्णय गरेको गाउँपालिका अध्यक्ष गोविन्दप्रसाद थपलियाले बताए ।