चुनाव
baahrakhari.com · Sat Apr 23 02:11:00 GMT 2022
चुनावको मत परिणाम पर्खेर बसेका पार्टीका कार्यकर्ताहरूले उसलाई पत्याएकै थिएनन् । कामबिनाको कुकुरझैँ ऊ लखरलखर डुली हिँडेको देखिन्थ्यो । तर, विगत थाहा पाउनेहरूले उसलाई विभिन्न पार्टीमा प्रवेश गर्दै छाड्ने गरेको देखेका थिए । ठेक्कापट्टा र कमिसनका लागि मन्त्रीको ढोकाअगाडि कुरिरहेको अवस्थामा भेटेका थिए । व्यापारी र उद्योगपतिसँग जबर्जस्ती चन्दा असुली गरेको आरोपमा पक्राउ परेको कुरा सुनेका थिए ।
पेसा बेगरको आफ्नो श्रीमान्को डुलाइ श्रीमतीलाई मन परेको थिएन । उसको चाला देखेर एक दिन श्रीमतीलाई खुब रिस उठ्यो । ‘चुनावको बेला छ, पार्टीका कार्यकर्ताहरूले उमेदवारी घोषणा गरिसके, पार्टी नहुनेहरूले स्वतन्त्र उमेदवारी दिइसके । पहुँच र पैसा हुने कसैले अरू पार्टीको चुनाव चिह्न किने, कसैले भाडामा लिएर भोट माग्न थालिसके, तपाईंचाहिँ यता र उता कति दिन डुल्ने ? यस्तो डुलाइले कसरी घर चल्छ ?’
स्रोतमा पूरा पढ्नुहोस् (baahrakhari.com)