रामग्रामको जमिनमुनि प्राचीन सहर

बुटवल/नवलपरासी : गौतम बुद्धको अखण्ड अस्थिधातु रहेको भनिएको नवलपरासीको रामग्रामको उत्खननमा बुद्वविहारको भग्नावशेष भेटिएको छ। पुरातत्वविद्हरूले प्राचीन पोखरी र विहारको भग्नावशेष फेला पारेका हुन्।

रामग्राममा अस्थिधातु रहेको बौद्ध ग्रन्थहरूमा लेखिए पनि बास्तविक रामग्राम कहाँ हो भन्ने पुष्टि भएको छैन। हालको उत्खननबाट रामग्राम पुष्टि हुने संकेत भेटिएको पुरातत्वविद्हरूले बताएका छन्। स्तूपाको खोजी गर्दै लुम्बिनी विकास कोष, पुरातत्व विभाग, युनेस्कोले रामग्रामको उत्खनन गरिरहेका छन्। उत्खननमा दुह्राम विश्वविद्यालय र लुम्बिनी बौद्ध विश्वविद्यालयका प्रोफेसर तथा विद्यार्थीहरूले सहयोग गरिरहेका छन्।