भूकम्प प्रभावित कल्पत गाउँमा ‘एक घर, एक धारा’

सुर्खेत। भूकम्पका कारण पानीको मुहान सुकेपछि खानेपानीको समस्या भोग्दै आएका जाजरकोटको नलगाड नगरपालिका–१ कल्पत गाउँमा खानेपानीको सुविधा उपलब्ध गराएको छ ।

विसं २०८० कात्तिक १७ गते रामीडाडाँ केन्द्र विन्दु बनाएर गएको भूकम्पबाट खानेपानीमा समस्या भएको थियो । हाल नलगाड नगरपालिकाले एक घर, एक धारा निर्माण गरेपछि स्थानीयवासीलाई खानेपानीको सहज भएको हो । कल्पतका १३८ घरधुरीमा ‘एक घर, एक धारा’ निर्माण गरिएको नगर उपप्रमुख देवका लामिछानेले बताइन् । श्रमदानसहित रु ५० लाख ५० हजारमा खानेपानी निर्माण भएको उनले जानकारी दिइन् ।