पश्चिम तराईमा शीतलहर अझै लम्बिने संकेत

धनगढी — सुदूरपश्चिमको कैलाली र कञ्चनपुरलगायत पश्चिम तराई क्षेत्रमा शीतलहरको प्रभाव अझै कायमै रहने जल तथा मौसम विज्ञान कार्यालयका अधिकारीहरूले बताएका छन् ।

पुस पहिलो सातादेखि नै पश्चिम तराई क्षेत्र शीतलहरको चपेटामा परेको हो । अत्यधिक चिसोसँगै शीतलहरका कारण यहाँको जनजीवन कष्टकर हुनुका साथै हिउँदे तरकारी र तोरीबालीसमेत प्रभावित हुन थालेको छ ।