थलियो खगेन्द्र नवजीवन केन्द्र

गोरखापत्र समाचारदाता

काठमाडौँ, पुस २८ गते । काठमाडौँको गोकर्णेश्वर नगरपालिका–६, जोरपाटीस्थित नेपाल अपाङ्ग सङ्घ खगेन्द्र नवजीवन केन्द्रका पाँच पदाधिकारीले राजीनामा दिएका छन् । अध्यक्ष साम्देन लामा अनधिकृत रूपमा नेतृत्वमा आएको, आर्थिक कारोबार पारदर्शी नभएको र अपाङ्गता भएका व्यक्तिको हेरचाह राम्रोसँग नभएको दाबी गर्दै आठमध्ये पाँच पदाधिकारीले राजीनामा दिनुभएको हो ।