दुर्घटनाको कारण पहिचान गर्न सम्बन्धित निकायलाई प्रधानमन्त्री कार्यालयको निर्देशन

काभ्रेपलाञ्चोक जिल्लाको नमोबुद्ध नगरपालिका–२, बुच्चाकोटमा भएको यात्रुवाहक बस दुर्घटनाप्रति प्रधानमन्त्री तथा मन्त्रिपरिषद्को कार्यालयले गहिरो दुःख व्यक्त गरेको छ । कार्यालयले दुर्घटनाको कारण पहिचान गर्न सम्बन्धित निकायलाई निर्देशन समेत दिइसकेको शुक्रबार जारी विज्ञप्तिमा उल्लेख छ ।

शुक्रबार दिउँसो करिब २:१५ बजे बा. ३ ख ८३९८ नम्बरको बस दुर्घटना हुँदा ८ जना यात्रुको दुःखद निधन भएको थियो भने १६ जना यात्रु घाइते भएका छन्।