रसुवा बाढीपीडितलाई २५ लाख सहयोग गर्दै इलामका स्थानीय तह

रसुवा बाढीपीडितका लागि इलामका स्थानीय तहले राहत सहयोग उपलब्ध गराउने भएका छन्। चुलाचुली गाउँपालिकाले करिब १५ लाख र माई नगरपालिकाले १० लाख रुपैयाँ सहयोग गर्ने निर्णय गरेको छ।

दुवै पालिकाले सूचना जारी गरी जनप्रतिनिधि र कर्मचारीको तलबबाट यो सहयोग संकलन गर्ने जनाएका छन्। चुलाचुलीको ७६औं कार्यपालिका बैठकले गाउँपालिका अध्यक्ष, उपाध्यक्ष, वडाध्यक्ष, सदस्य र अधिकृतस्तरका कर्मचारीको ५ दिनबराबरको सुविधा तथा पारिश्रमिक, शिक्षक, अधिकृतस्तरको ४ दिन, सहायकस्तर कर्मचारी, शिक्षक र कार्यालय सहयोगीको ३ दिन तथा ज्यालादारी कर्मचारीलगायतको २ दिनबराबरको तलब सहयोग गर्ने निर्णय गरेको छ।