कहिले पाउने सबैले निःशुल्क स्वास्थ्य ?

संघीय सरकारले पनि स्वास्थ्य क्षेत्रका ठूला आयोजना दुर्गमतिर केन्द्रित गर्नुपर्छ।

कर्णाली भन्नेबित्तिकै ‘सहरिया’को दिमागमा आउँछ- दूरदराजको ठाउँ। जहाँ अशिक्षा, असुविधा र अभावको पहाडैपहाड छ। तर अब परिस्थिति फेरिएको छ। अर्थात्, पुरानो मानसिकता छोड्नुपर्ने भएको छ। कर्णालीमा पनि विकास हुन थालेको छ। त्यो पनि स्वास्थ्य क्षेत्रमा। अर्थात्, कर्णालीवासीले आफ्नै जिल्लामा विशेषज्ञ सेवा पाउन थालेका छन्। हेर्दा सामान्य लागे पनि, त्यहाँका लागि यो एउटा ठूलै परिवर्तन हो।