केबलकारमा यात्रा गर्दा डराउनु पर्दैन

काठमाडौं । केवलकारमा यात्रा गर्दै गर्दा जुनसुकै समयमा प्राकृतिक तथा यान्त्रिक खराबीका कारण यात्रुहरूबीच बाटोमै रोकिन सक्छन् । नेपाल, छिमेकी मुलुक भारतसहित विभिन्न देशमा यस्ता घटना छिटपुट रूपमा नभएका पनि होइनन् । केबलकारमा यात्रा गर्दै गर्दा बीचमै समस्या आए यात्रुहरू आत्तिने, डराउने, मृत्यु नै हुने हो कि भन्ने सम्ममा पुग्छन् ।

हो, यदि तपाईंहरूले केबलकार चढ्दै गर्दा डर पालिरहनुभएको छ भने त्यसलाई हटाइहाल्नुस् । केबलकार सञ्चालक र सुरक्षा निकायले प्राकृतिक तथा यान्त्रिक खराबीका कारण बीच बाटोमै रोकिएका यात्रुहरूलाई सुरक्षित साथ अवतरण गराउन मानव संसाधन तथा स्रोतको पर्याप्त तयारी गरिसकेका छन् । जसका कारण डराउनुपर्ने कुनै कारण छैन ।