मुख्य सामग्रीमा जानुहोस्

समाचार

खेलकुद

क्रिकेटमा दुर्घटना टर्‍यो : पूर्वकप्तान ज्ञानेन्द्र मल्लसहित सबै क्रिकेटर ‘क्लोज क्याम्प’मा फर्किए

nayapatrikadaily.com · Tue Jan 04 00:36:00 GMT 2022

नेपालको क्रिकेटमा सम्भवतः एउटा ठूलो दुर्घटना टरेको छ । पूर्वकप्तान ज्ञानेन्द्र मल्लसहित अन्य खेलाडी सोमबार बन्द प्रशिक्षणमा फर्किएका छन् । क्लोज क्याम्पमा नबस्ने अडान लिएका नौजना खेलाडी बन्द प्रशिक्षणमा फर्कदा नेपाल क्रिकेट संघ (क्यान) र खेलाडीबीचको विवाद तत्कालका लागि साम्य भएको छ ।क्यानले फेब्रुअरीमा ओमानमा हुने आइसिसी टी–२० विश्वकप ग्लोबल छनोटका लागि शनिबारदेखि क्लोज क्याम्प डाकेको थियो । मुख्य प्रशिक्षक पुबुदु दासानायकेले घोषित प्रारम्भिक ३० मध्ये ११ जना खेलाडी मात्र ठमेलको रमादा होटेलमा रिपोर्टिङ गरेपछि खेलाडी र क्यानबीचको विवाद थप चुलियो ।

आइतबारसमेत पूर्वकप्तान मल्लसहित अन्य खेलाडीले प्रशिक्षकलाई रिपोर्टिङ नगर्दा नेपालको क्रिकेट थप विवादतर्फ मोडिएको थियो । तत्कालै क्यानका अध्यक्ष चतुरबहादुर चन्द र मुख्य प्रशिक्षक दासानायकेलगायत अन्य पदाधिकारीले ‘विद्रोह’मा उत्रिएका खेलाडीहरूसँग वार्ता गरे । सौहार्द रूपमा भएको वार्ताले खेलाडीहरूको मागप्रति लचिलो हुने सहमति गरेको थियो । साथै पूर्वकप्तान मल्लले सोमबार बिहान साथीहरूसँग सरसल्लाह गरी निर्णय गर्ने जनाएका थिए ।

स्रोतमा पूरा पढ्नुहोस् (nayapatrikadaily.com)