१० खेलाडीमा सीमित स्पर्सको जीत

लण्डन । १० खेलाडीमा सीमित टोटनह्याम हटस्पर्सले नटिङह्याम फरेस्टलाई हराउँदै प्रिमियर लिगको शीर्ष चारमा आफ्नो दाबेदारी कायम राखेको छ । स्पर्ससँग ०–२ गोल अन्तरले पराजित फरेस्टको पछिल्ला ६ खेलमा यो पाचौँ पराजय हो ।

पहिलो हाफको इन्जुरी समयमा रिचार्लिसनले गोल गर्दै स्पर्सलाई अग्रता दिलाएका थिए । पछिल्ला दुई खेलमा स्पर्सका लागि उनको यो तेस्रो गोल थियो । उनले टोलीका लागि लगातार दुई खेलमा गोल गरेको सन् २०२२ को मेपछि यो पहिलोपटक हो ।