विश्वकपमा कोहलीको अर्को विराट पारी, भारतको लगातार पाँचौं जित

१३औँ संस्करणको आइसिसी एकदिवसीय विश्वकप क्रिकेटमा भारतले लगातार पाँचौं जित निकालेको छ । पाँचौं जित हात पार्नेक्रममा भारतले गएराति सम्पन्न खेलमा न्यूजिल्याण्डलाई ४ विकेटले हरायो ।

आफ्नो पाँचौं खेलमा न्यूजिल्याण्डले दिएको २ सय ७४ रनको लक्ष्य भारतले ४८ ओभरमा ६ विकेटको क्षतिमा पूरा गर्‍यो । उसका लागि विराट कोहलीले उत्कृष्ट इनिङ खेले । १०४ बलको सामना गरेका कोहलीले ८ चौका र २ छक्कासहित ९५ रन बनाए ।