बजेट र विकृति

लोकतन्त्र आगमनस“गै देशमा बजेट विकृति पनि भित्रिएको छ । सबैलाई धनी हुने रहर छ, ‘देश गरिब भएर केही हुन्न’ भन्ने मानसिकता व्याप्त छ । अल्पविकसित राष्ट्रको सूचीबाट मध्यम आयको सूचीमा जाने समय पटकपटक घर्कंदै आगामी सन् २०२६ लाई सारिरहँदा ‘स्तरोन्नति हुन पनि कठिनाइ र स्तरोन्नति भइहाल्यो भने पनि अल्पविकसित राष्ट्र हुँदाका सुख सुविधा खोसिएलान्’ भन्ने त्रास पनि छ । धेरै सुविधा लिइरहेका कारण ‘स्तरोन्नति हुनुभन्दा त साबिककै स्तरमा बस्दा पो बेस होला कि ?’ भन्ने मानसिकताबाट हामी माथि उठ्न सकेका छैनौं ।

जेठ–असारतिर बजेटका विषय व्यापक बहस हुन्छ, यही समय सरकारले तामझामसाथ खर्च पनि गर्छ । बजेट तान्न, रकमान्तर गर्न, पुँजीगत खर्च बढाउन र असारे अनि माटो छोप्ने असारे विकास देखाउन त लोकतन्त्र खप्पिस नै भइसकेको छ । १५ जेठ बजेट, त्यो पनि नयाँ आउने बेला, कसले कति ठूलो रकम आपूmतिर पार्न सक्छ, होडबाजी, तानातान गर्ने बेला पनि हो यो ।