गत आवमा शेयर कारोबारबाट सरकारलाई साढे ५ अर्ब राजश्व

काठमाडौं । नेपाल सरकारले शेयर कारोबारमा हुने नाफाबाट गत आर्थिक बर्ष २०८०/८१ मा ५ अर्ब ५० करोड ७७ लाख रुपैयाँ (पुँजीगत लाभकर) राजश्व प्राप्त गरेको छ । सिडिएस एन्ड क्लियरिङ लिमिटेडबाट प्राप्त गत आवको तथ्यांकले यस्तो देखाएको हो ।

समिक्षा बर्षमा सरकारले प्राप्त गरेको यस्तो पुँजीगत लाभकर अघिल्लो आव २०७९÷८० को तुलनामा ८५.४० प्रतिशतले बढी हो । सो आवमा २ अर्ब ९७ करोड ५ लाख ८९ हजार रुपैयाँ पुँजीगत लाभकर उठेको थियो । गत आवमा त्यो भन्दा २ अर्ब ५३ करोड ७१ लाख ११ हजार रुपैयाँ बढी पुँजीगत लाभकर उठेको छ ।