निकुञ्जले रोकेका जलविद्युत् आयोजना खुलाउन इप्पानको माग

सिन्धुपाल्चोक : लाङटाङ राष्ट्रिय निकुञ्जले १५३ मेगावाट क्षमताका पाँच जलविद्युत् आयोजनाको निर्माण रोक्न निर्देशन दिएपछि स्वतन्त्र ऊर्जा उत्पादकहरूको संस्था नेपाल (इप्पान)ले वनमन्त्री गीता चौधरीसमक्ष हस्तक्षेपको माग गरेको छ।

पछिल्लो समय सिन्धुपाल्चोकमा निर्माणाधीन ३६.५ मेगावाटको ब्रह्मायणी, २०.५२ मेगावाटको माथिल्लो ब्रह्मायणी, ९. ७ मेगावाटको ब्रह्मायणी– ए, ४० मेगावाटको बलेफी खोला तथा ४६ मेगावाटको माथिल्लो बलेफी जलविद्युत् आयोजना गरी कुल १५३ मेगावाट क्षमताका पाँच आयोजना रोक्न लाङटाङ राष्ट्रिय निकुञ्जले निर्देशन दिएको थियो।