एमालेसँगको तालमेलले राप्रपामा असन्तुष्टि

एमालेसँगको तालमेलले राप्रपामा विवाद देखिएको छ । पार्टीले अख्तियार गरेको नीति तथा निर्णयबाट गम्भीर क्षति पुग्ने भन्दै पार्टीका दुई दर्जन नेताले बुधबार पार्टी अध्यक्ष राजेन्द्र लिङ्देनलाई सचेतपत्र बुझाएका छन् ।

‘यही ४ मंसिरमा हुने प्रदेश तथा प्रतिनिधि सभा निर्वाचनमा हाम्रो पार्टीले अख्तियार गरेको नीति र निर्णयबाट पार्टीलाई दूरगामी एवम् गम्भीर क्षति पुग्ने ठहर गरेका छौँ । अतः उक्त निर्णयलाई तत्काल सच्याउन ध्यानाकर्षण गर्दछौँ,’ सचेतना पत्रमा भनिएको छ ।