तमोरको पानी आएन, पानी ल्याउँछु भन्ने नेता खाली हात फेरि भोट माग्न आए

२०७४ सालको निर्वाचनमा तत्कालीन वाम गठबन्धनबाट मोरङ क्षेत्र नम्बर १ मा उम्मेदवार बनेका एमाले नेता घनश्याम खतिवडा निर्वाचनमा विजयी पनि भए । त्यसबेला उनले प्रमुखताका साथ उठाएको एउटा एजेण्डा थियो– तमोरको पानी ल्याएर आफ्नो क्षेत्रमा सिँचाइ सुविधा पुर्‍याउने ।

तमोरको पानी ल्याएर सिँचाइ सुविधा उपलब्ध गराउने उनको प्रतिबद्धता पाँच वर्षसम्म पनि पूरा भएन । खतिवडा फेरि सोही क्षेत्रबाट त्यस्तै अन्य एजेण्डा लिएर अहिले पनि जनतासामु मत मागिरहेका छन् ।