सामाजिक उद्देश्य लिएर देउसीभैलो

काठमाडौँ, २० कात्तिकः तिहारमा खेलिने देउसीभैलो पछिल्लो समय संस्कृतिको जगेर्नासँगै सामाजिक उद्देश्य राखेर खेलिएको छ । तिहारको संस्कृति संरक्षणसँगै विद्यालय सुधार गर्न, कोष स्थापना गर्न, पूर्वाधार बनाउनलगायत उद्देश्य राखेर देउसीभैलो खेल्न थालिएको हो ।

बागलुङ बजारका चोकचोकमा तिहारमा देउसीभैलोका गीत गुञ्जिएका थिए । गाउँघरमासमेत तिहारको रौनकता छाएको थियो । क्षत्री समाज बागलुङ, मगरसङ्घ बागलुङ, डाइनामिक डान्स ग्रुप बागलुङ, सुनौलो बागलुङ र मगर आमासमूहलगायतको देउसीभैलोले बागलुङ बजार सहित अन्य क्षेत्र गुञ्जयमान भएको थियो ।