जर्मनीकी शीर्ष कूटनीतिज्ञ किएभमा, अमेरिकी चुनावले युद्धमा पार्नसक्ने प्रभावका लागि युक्रेन तयार

जर्मनीकी शीर्ष कूटनीतिज्ञ सोमबार अघोषित भ्रमणमा युक्रेनी राजधानी किभ पुग्नुभएको छ । यो भ्रमण अमेरिकी राष्ट्रपति चुनावको पूर्वसन्ध्यामा युक्रेनप्रति युरोपेली समर्थनको प्रदर्शनका रूपमा देखिएको छ । अमेरिकी चुनावले रुसको पूर्ण आक्रमणप्रति वाििङ्टनको नीतिमा व्यापक परिवर्तन ल्याउन सक्छ ।

जर्मनी अमेरिकापछि युक्रेनको दोस्रो ठूलो हतियार आपूर्तिकर्ता हो । जर्मन विदेशमन्त्री अन्नालेना बेयरबकले बर्लिनको समर्थन अटल रहने प्रतिबद्धता जनाउनुभयो ।जर्मन समाचार एजेन्सी डिपिएका अनुसार उहाँले भन्नुभयो, “विश्वभरका धेरै साझेदारहरूसँगै जर्मनी दृढतापूर्वक युक्रेनको साथमा छ । हामी युक्रेनीहरूलाई त्यतिबेलासम्म समर्थन गर्नेछौँ जतिबेलासम्म उनीहरूलाई न्यायपूर्ण शान्तिको बाटोमा अघि बढ्न आवश्यक पर्छ ।”