अमेरिकी दूतावासद्वारा आयोजित ‘गोल युएसए २०२६ फाइनल्स’ सम्पन्न

काठमाडौं । अमेरिकी स्वतन्त्रताको २५०औँ वार्षिकोत्सव तथा फिफा विश्वकप २०२६ को उत्साहलाई मनाउने उद्देश्यसहित अमेरिकी दूतावासको आयोजनामा ‘गोल युएसए २०२६ फाइनल्स’ सम्पन्न भएको छ ।

यो कार्यक्रम विराटनगर, सुर्खेत, भैरहवा र पोखरामा आयोजना गरिएका फुटबल सीप सिकाइका चुनौतीको शृंखलाबाट सुरु भएको थियो । उक्त कार्यक्रममार्फत सयौँ युवा खेलाडी टोली भावना र नेतृत्व विकासका गतिविधिमा सहभागी भएका थिए ।