प्रकृतिमैत्री जीवनशैली अपनाउन प्रदेश प्रमुखको आग्रह

बागमती प्रदेश प्रमुख दीपक प्रसाद देवकोटाले प्रकृतिमैत्री जीवनशैली अपनाउन आग्रह गर्नुभएको छ । विश्व वातावरण दिवसको अवसरमा शुक्रबार शुभकामना दिँदै उहाँले सबै मिलेर कम्तीमा एउटा बिरुवा रोप्ने र त्यसलाई हुर्काउने साझा संकल्प गर्न आग्रह गर्नुभएको हो ।

“प्रकृति हुर्के मात्र मानव सभ्यताको रक्षा हुन्छ, तसर्थ स्वच्छ, सफा र हरियाली राष्ट्र निर्माण गर्ने राज्यको संकल्पलाई साकार पार्न स्थानीय समुदाय, नागरिक समाज, निजी क्षेत्र र सरकारी निकायबिच बलियो सहकार्यको अपेक्षा गर्दछु,” उहाँले भन्नुभएको छ ।