राष्ट्रिय जनगणना : ३९ हजार गणकलाई तालिम

काठमाडौं : राष्ट्रिय जनगणनाका लागि गणक तालिम सुरु भएको छ। जनगणनामा ३९ हजार गणक छनौट गरी तालिम दिने काम सुरुवा भएको हो। यसका लागि ७७ वटै जिल्लामा ३४९ वटा जनगणना कार्यालयले कात्तिक १३ देखि १६ गतेसम्म तालिम सञ्चालन गर्ने केन्द्रीय तथ्यांक विभागका निर्देशक ढुण्डीराज लामिछानेले जानकारी दिए।

काठमाडौं जिल्लामा भने १७ गतेसम्म तालिम सञ्चालन हुनेछ। काठमाडौं ट्यावलेट प्रयोग गरेर जनगणना गरिने भएको कारण तालिम एक थप हुन लागेको उनले जानकारी दिए। गणकलाई तालिम दिनको लागि क्याम्पस शिक्षक, माध्यमिक तहका शिक्षक, सरकारी निकायका अधिकृत कर्मचारी, स्नातकोत्तर उत्तिर्ण गरेका सुपरीवेक्षक समेत गरी १५ सय प्रशिक्षक खटिएको विभागले जानकारी दिए।