वरपीपल मासेर ‘आइफल टावर’

विराटनगर — कुनै समय हरियालीले ढाकिएको, सधैं शीतलता दिने विराटनगर महानगरपालिका–२ सोमबारे हाट छेउको चोक आजभोलि गर्मीमा सास फेर्न गाह्रो हुने ठाउँमा बदलिएको छ । यहाँ वर्षौंदेखि उभिएका थिए, वर र पीपलका जोडी रूख ।

करिब दुई वर्षअघि ती काटिए । त्यसको सट्टा वडाले पुनः रूख रोप्ने काम गरेन, बरु फलामको संरचना खडा गर्‍यो, ‘आइफल टावर’ । यस योजनालाई वडाले रमणीय पार्कका रूपमा अघि बढाएको थियो ।