रकिङ दी वर्ल्ड फ्रम नेपाल: इस्लिङटन कलेजका २९ विद्यार्थीहरु अब अभियान मात्र होइन, व्यवहारमै देखिएको यथार्थ

"रकिङ दी वर्ल्ड फ्रम नेपाल" इस्लिङटन कलेजका लागि कुनै प्रचारात्मक नारा मात्र होइन। विद्यार्थीहरुलाई देश नछोडीकनै विश्वस्तरमा प्रतिस्पर्धा गर्न सक्षम बनाउने, उद्देश्य सहितको यो शिक्षाप्रतिको एउटा स्पष्ट दृष्टिकोण हो

यही दृष्टिकोणलाई व्यवहारमा उतार्न कलेजले विभिन्न उद्योगसँगको सहकार्यलाई आफ्नो पाठ्यक्रमकै हिस्सा बनाएको छ। विद्यार्थीहरुले अध्ययनकै क्रममा अन्तर्राष्ट्रिय स्तरको तालिम प्राप्त गर्दछन् र त्यसपछि सिधै विश्वव्यापी व्यावसायिक टिमहरूसँग काम गर्ने अवसर पाउँछन्। त्यसका लागि न त डिग्री सकिनुपर्ने हुन्छ, न विदेश जानुपर्ने। अन्तर्राष्ट्रिय अवसरको यात्रा यहीँबाट सुरु हुन्छ।