आईपीएल : शीर्ष स्थानको गुजरातलाई हरायो लखनउले

काठमाडौं । इन्डियन प्रिमियर लिग (आईपीएल) क्रिकेटमा लखनउ सुपर जायन्ट्सले शीर्ष स्थानको गुजरात टाइटन्सलाई हराएको छ । जितका लागि २ सय ३६ रनको विशाल लक्ष्य प्रस्तुत गरेको लखनउले शीर्ष स्थानको गुजरातलाई ३३ रनले हराएको हो ।

मिचेल मार्सको शानदार शतक मद्दतले लखनउले गुजरात सामु जितका लागि २ सय ३६ रनको लक्ष्य प्रस्तुत गरेको थियो । अहमदादबादस्थित नरेन्द्र मोदी स्टेडियममा टस हारेर पहिले ब्याटिङ गरेको लखनउले निर्धारित २० ओभरमा मात्र २ विकेट गुमाएर २ सय ३५ रन बनाएको थियो ।