पटकपटक भारत पुगेर स्वर परीक्षण गर्दै मेनुका

०७५ कात्तिकको पहिलो शनिबार गायिका मेनुका पौडेलको स्वरको भारतीय संगीत क्षेत्रमा खुबै चर्चा भयो । भारतका मूर्धन्य संगीतिज्ञहरूले मेनुकाको खुलेर प्रशंसा मात्र गरेनन्, आफूहरू नतमस्तक भएको पनि बताए ।

प्लेटफर्म थियो, भारतीय सांगीतिक गायन प्रतियोगिता ‘सारेगमप’ । त्यसमा नेपाली गायिका मेनुकाले भाग लिएकी थिइन् । जहाँ उनले आफ्नो स्वरको जादु छरिन् । संगीतकार शेखर रबजानी, सोना मोहपत्रा र वाजिद खानले मेनुकाको स्वरको मुक्तकण्ठले प्रशंसा गरे । उनीहरूले मेनुकाको स्वरको तारिफ मात्र गरेनन्, उनको स्वरको जज गर्ने ‘हैसियत’ आफूहरूसँग नभएको बताए । निर्णायक शेखरले भनेका थिए, “तिम्रो गायनको जज गर्ने मेरो कुनै औकात छैन ।”