इन्ज्युरी टाइमको त्यो एक मिनेट

काठमाडौँ — नेपाली राष्ट्रिय महिला फुटबल टिमका मुख्य प्रशिक्षक कुमार थापाले साफ महिला च्याम्पियनसिप २०२२ का लागि तयारीकै बेला भनेका थिए, ‘हामी भारतभन्दा तल नै छौं । संरचनागत रूपमै पनि । तर, फुटबलमा जे पनि हुन्छ, एकमात्र च्याम्पियन र एकमात्र बलियो हुने हो भने संसारमा फुटबलको स्वाद नै हुँदैन ।’

दक्षिण एसियाली महिला फुटबलले रोमान्चक मोड लिएको छ, स्वादिलो बनेको छ । किनभने अघिल्ला पाँचै संस्करणमा च्याम्पियन भएको भारतलाई सेमिफाइनलमा १–० ले पराजित गर्दै नेपालले घरेलु मैदानमा बंगलादेशविरुद्ध फाइनल भेट निश्चित गर्‍यो । फाइनल जसले जिते पनि त्यो टिम साफको नयाँ च्याम्पियन हुनेछ ।