सुर्खेत विमानस्थलको रनवेमा पानीको खाल्डो

सुर्खेत । सुर्खेत विमानस्थलको धावनमार्ग (रनवे) मा जमिनमुनीबाट पानी निस्किएपछि शनिबारसम्मका लागि उडान बन्द गरिएको छ । सुर्खेत नागरिक उड्डयन कार्यालयका अनुसार उत्तरतर्फ रहेको धावनमार्गमा एकाएक खाल्डो परेपछि मंगलबारदेखि उडान बन्द गरेर मर्मत थालिएको थियो ।

रनवेको खाल्डो पुर्ने काम भइरहेको बेला सोही दिन पुनः नजिकै जमिनमुनिबाट पानी निस्किन थालेपछि शनिबारसम्मका लागि उडान बन्द गर्नुपरेको कार्यालयले जनाएको छ ।