‘कोभिड विश्वव्यापी आपत्काल सकियो’

जेनेभा (बीबीसी) : विश्व स्वास्थ्य संगठन (डब्ल्यूएचओ)ले कोभिड– १९ अब ‘विश्वव्यापी स्वास्थ्य आपत्काल’को रूपमा नरहेको घोषणा गरेको छ। उसको विज्ञप्तिलाई महामारी अन्त्यतर्फको एउटा मुख्य कदम ठानिएको छ।

डब्ल्यूएचओले यस भाइरसलाई लिएर जारी गरेको सबैभन्दा उच्च तहको सतर्कता तीन वर्षपछि हटाएको हो। अधिकारीहरूका अनुसार कोभिडको साप्ताहिक मृत्युदर सन् २०२१ को जनवरीमा एक लाखभन्दा बढीको उच्च विन्दुबाट गत महिना साढे तीन हजारमा झरेको छ।