तारकेश्वर सामूहिक हत्या प्रकरण : परिवारका सदस्यले चारवटै शव बुझे

तारकेश्वर नगरपालिका– २ पदमसालमा एकै घरका चारैजनाको शव परिवारका सदस्यले बुझेका छन् । उनीहरूको मंगलबार साँझ पशुपतिस्थित आर्यघाटमा अन्त्येष्टि गरिएको छ ।

प्रहरीले सोमबार बिहान तारकेश्वर– २ पादमसालस्थित एकतले घरमा सुनिता पाण्डेसहित उनका श्रीमान् ४१ वर्षीय दिनेश पाण्डे, १३ वर्षकी छोरी आशिका र आठ वर्षका छोरा आशिक मृत फेला पारेको थियो ।