पूर्वमा कांग्रेसभन्दा एमाले अघि, गण्डकीमा एकीकृत समाजवादी भन्दा जनमोर्चा बलियो : अन्य प्रदेशमा के छ अवस्था ?

काठमाडौं : स्थानीय तह निर्वाचनमा ३४ हजार ८३८ जना जनप्रतिनिधि निर्वाचित भएका छन्। निर्वाचन आयोगको तथ्यांक अनुसार ७ वटै प्रदेशमा गरी विभिन्न राजनीतिक दल र स्वतन्त्र तर्फबाट प्रतिनिनिधि निर्वाचित भएका छन्।

पछिल्लो नतिजा अनुसार नेपाली कांग्रेस ३२७ ठाउँमा प्रमुख/अध्यक्ष जितेर पहिलो शक्ति बनेको छ। २०७४ सालको स्थानीय तहमा २९४ पालिकामा जितेको नेकपा एमाले यसपटक २०५ ठाउँमा जितेर दोस्रो बनेको छ। नेकपा माओवादी केन्द्र यसपटक पनि तेस्रो बनेको छ। १२१ ठाउँमा माओवादीले प्रमुख/अध्यक्षमा जितेको छ।