खानेपानीको वितरण सहज बनाउन मन्त्री यादवको निर्देशन

काठमाडौँ । खानेपानीमन्त्री प्रदीप यादवले काठमाडौँ उपत्यकामा सहज रुपमा खानेपानी सेवा उपलब्ध गराउन मातहतका निकायलाई निर्देशन दिएका छन् । काठमाडौँ उपत्यकाका खानेपानी संरचनामाथि भएका अध्ययन प्रतिवेदनका सम्बन्धमा मंगलबार मन्त्रालयमा आयोजित अन्तरक्रियामा मन्त्री यादवले उक्त निर्देशन दिएका हुन् ।

उनले भने, 'काठमाडौँमा खानेपानीको दीगो व्यवस्थापनका लागि वित्तीय, प्राविधिक, कानुनी पाटोमा समयसापेक्ष सुधार गरी संविधान प्रदत्त खानेपानी सेवा सहज रुपमा उपलब्ध गराउन म निर्देश गर्छु ।' उनले पानी वितरणमा देखिएको समस्याको दीर्घकालीन समाधानमा लाग्न समेत निर्देशन दिएको मन्त्रालयका सहसचिव रमाकान्त दुवाडीले जानकारी दिए ।