विगतको हारको सिलसिला तोड्दै पहिलो अंक जोड्ने दाउमा दुवै टोली

काठमाडौँ । विश्वकप फुटबल अन्तर्गत समूह ‘बी’ को पहिलो खेलमा अहिले क्यानडा र बोस्निया–हर्जगोभिना टोरन्टो स्टेडियममा भिडिरहेका छन् । यो खेल दुवै टोलीका लागि केवल विश्वकपको सुरुवात मात्र नभई विगतको खराब इतिहास सुधार्ने महत्त्वपूर्ण अवसर पनि हो ।

यसअघिका विश्वकप सहभागितामा दुवै टोलीले कुनै पनि अंक जोड्न सकेका थिएनन् । क्यानडाले सन् १९८६ र २०२२ को विश्वकपमा सहभागी हुँदा आफ्ना सबै तीन–तीन खेलमा हार बेहोरेको थियो भने बोस्निया–हर्जगोभिनाको अवस्था पनि त्यस्तै रहेको थियो । विगतका संस्करणहरूमा अंकविहीन बन्दै बाहिरिएका यी दुवै टोली आज टोरन्टोमा आमनेसामने हुँदा पहिलो अंक बटुल्दै सुखद सुरुवात गर्ने दाउमा छन् ।