थानीमाइमा भित्रिए फूलका ७४ डोली

तनहुँ । भानु नगरपालिका–७ वसन्तपुरस्थित थानीमाइ मन्दिरमा कात्तिकको तेस्रो मङ्गलबार ७४ वटा फूलका डोली भित्रिएको छ ।

विभिन्न जिल्लाबाट आएका भक्तजनले ७४ फूलको डोली भित्र्याएका हुन् । त्यसक्रममा पाँच हजार आठ सय भक्तजनले मन्दिरमा पूजाआजा गरेको थानीमाइ मन्दिर व्यवस्थापन समितिका अध्यक्ष जीवन थापा मगरले जानकारी दिए। साथै सोमबार राति मन्दिरमा जागाराम बसेर बत्ती बाल्नेको सङ्ख्या पाँच सय १८ रहेको थियो ।