भद्रपुर झापा गोल्डकप प्रतियोगिता आजदेखि

भद्रपुरस्थित मेची रंगशालामा आज आइतवारदेखि भद्रपुर झापा गोल्डकप प्रतियोगिता शुरू हुँदैछ । भद्रपुर झापा गोल्डकप आयोजक समितिले शनिबार पत्रकार सम्मेलन गरी उक्त जानकारी गराएको हो ।

समितिका महासचिव जीवनकुमार श्रेष्ठका अनुसार प्रतियोगितामा नेपाल, भारत तथा भुटानका गरी १० टिमको सहभागिता रहने छ । गोल्डकपमा खेल व्यवस्थापन, पुरस्कार तथा सम्मान र खेलाडी व्यवस्थापनका लागि आवश्यक तयारी भइसकेको उनले जानकारी दिए ।