ट्रम्प र मोदीबीच फोनमा कुराकानी, यस्तो छ भारतको अडान

विश्व राजनीतिमा बढ्दो ध्रुवीकरण र पश्चिम एसियामा जारी तनावका बीच भारतीय प्रधानमन्त्री नरेन्द्र मोदी र अमेरिकी राष्ट्रपति डोनाल्ड ट्रम्पबीच टेलिफोन वार्ता भएको छ। इरान र इजरायलबीचको द्वन्द्वले विश्वव्यापी ऊर्जा सुरक्षामा चुनौती थपिरहेका बेला दुई नेताबीच भएको यो संवादलाई कूटनीतिक वृत्तमा अर्थपूर्ण रूपमा हेरिएको छ।

प्रधानमन्त्री मोदीले फेसबुकमार्फत सोमबार भएको उक्त संवादको जानकारी दिँदै पश्चिम एसियाको पछिल्लो अवस्थाबारे ‘उपयोगी विचार–विमर्श’ भएको बताएका छन्। अमेरिकी राष्ट्रपति ट्रम्पले मोदीलाई फोन गरेर यस क्षेत्रको सुरक्षा चासोबारे छलफल गरेका हुन्।