राष्ट्रिय सहकारी बैंकका संचालक समितिमा १० जना निर्विरोध ५ पदका लागि निर्वाचन हुने

नेपालको सहकारी क्षेत्रको एकमात्र बैंक राष्ट्रिय सहकारी बैंक लिमिटेडेको १५ सदस्यीय संचालक समिति र ३ सदस्य लेखा सुपरिवेक्षण समितिको निर्वाचनका लागि बिहिबार उम्मेदवाहरुको अन्तिम नामावली प्रकाशन भएको छ । जसअनुसार संचालक समितितर्फ अध्यक्षसहित १० जना निर्विरोध भएका छन् भने पाँच जना संचालक सदस्यका लागि निर्वाचन हुने छ । लेखा सुपरिवेक्षण समितिको संयोजक निर्विरोध हुने भएका छन् भने दुई सदस्य पदका लागि निर्वाचन हुने छ ।

अध्यक्ष पदमा केवी उप्रेती दोस्रो कार्यकालका लागि निविरोध भएका छन् । बैंकको १६ पुसमा १९ औं बार्षिक साधारण सभा तथा निर्वाचन हुने छ । १५ संचालक समितिमा खुला प्रदेश ५ जना, प्रदेशबाट महिला २ जना, सदस्य खुल्ला ४, खुला महिला ३ जना निर्वाचित हुने व्यवस्था रहेको छ । जसअन्तर्गत खुल्ला प्रदेशतर्फ प्रदेश १ बाट महेन्द्र कुमार गिरी, मधेस प्रदेशबाट विश्वनाथ मण्डल, बागमती प्रदेशबाट रामहरि बजगाई, गण्डकी प्रदेशबाट रामबादुर जि.सी निर्विरोध भइसको छन् । कर्णाली प्रदेशमा दुईजनाको उम्मेवारी परेकाले निर्वाचन हुने भएको छ । जसमा कालिकोट हिमचुली कृषि सहकारी संस्थाका कालीबहादुर महतारा र खुर्सेतको बौद्ध ग्रामीण बहुउद्देश्यीय सहकारी संस्थाका विशाल केसीबिच प्रतिस्पर्धा हुने भएको छ ।