बेलिङह्याम चम्किँदा रियलले नापोलीलाई हरायो

नापोली । इंग्लिस मिडफिल्डर जुड बेलिङह्यामले एक गोल गर्नुका साथै अर्को गोलको अवसर सिर्जना गर्दा रियल मड्रिडले इटालियन क्लब नापोलीलाई उसैको घरेलु मैदानमा हराएको छ । च्याम्पियन्स लिगको समूह सी अन्तरगतको खेलमा रियल ३–२ गोलले विजयी भएको हो ।

खेलको १९ औँ मिनेटमा लियो ओस्टिगार्डले गोल गर्दै नापोलीलाई अग्रता दिलाएका थिए । तर २७ औँ मिनेटमा बेलिङह्यामको पासमा गोल गर्दै भिनिसियस जुनियरले खेल बराबरी गरे । ३४ औँ मिनेटमा बेलिङह्यामले रियललाई खेलमा अग्रता दिलाए ।