एसियाकप: नेपाललाई १० विकेटले हराउँदै भारत शीर्ष चारमा, नेपाल समूहचरणबाटै बाहिरियो

काठमाडौं- एसियाकप क्रिकेटको आफ्नो दोस्रो खेलमा भारतले नेपाललाई १० विकेटले पराजित गर्दै शीर्ष चारमा प्रवेश गरेको छ। भारतका ओपनर द्वय रोहित शर्मा र शुभमन गिलले शतकीय अविजित साझेदारी गर्दै भारतको जित पक्का गरेका थिए। नेपालका कुनैपनि बलरले भारतीय खेलाडीको विकेट लिन सकेनन्।

सोमबार वर्षाले प्रभावित बनेको खेलमा भारतले २३ ओभरमा १ सय ४५ रनको नयाँ लक्ष्य पाएको थियो। जुन लक्ष्य भारतले १७ बल बाँकी हुँदा बिना विकेटको क्षतीमा पुरा गर्‍यो। त्यसअघि नेपालले दिएको २ सय ३१ रनको लक्ष्य पछ्याएको भारतले १७ रन बनाउँदा वर्षाले खेल प्रभावित भएपछि भारतले नयाँ लक्ष्य पाएको थियो।