होटलको हब बन्दै भैरहवा, १० देखि १२ अर्ब लगानी

रुपन्देही– भैरहवाको बुद्धचोकमा एउटा विशाल भवन निर्माणाधीन छ। रुपन्देहीको सदरमुकाम सिद्धार्थनगर नगरपालिकाको केन्द्रभागमा रहेको उक्त भवन घिमिरे समूहको लगानीमा निर्माण भएको हो। जहाँ ५ तारे होटल सञ्चालनमा आउँदैछ।

सिद्धार्थ नगरपालिकामा आर्को एउटा भव्य संरचना निर्माण भएर संचालनको तयारीमा छ। नेपालकै प्रतिष्ठित होटल चेन सिद्धार्थ समूहको लगानीमा अञ्चलपुरमा रिसोर्ट तयार भइसकेको छ। यस्तै, बेलहिया, लुम्बिनी सडक आसपास पनि भव्य संरचना निर्माणाधीन छन्।