राजावादी आन्दोलनबारे अन्तर्राष्ट्रिय प्रजातन्त्र संघले के भन्यो ?

काठमाडौँ । नेपालमा वर्तमान व्यवस्थाविरुद्ध राजसंस्थाको पुनःस्थापनाको मागसहित हुँदै आएका प्रदर्शनप्रति अन्तर्राष्ट्रिय प्रजातन्त्र संघले चासो व्यक्त गरेको छ। संघले नेपाल सरकारलाई शान्तिपूर्ण प्रदर्शनको अधिकार सुनिश्चित गर्न आग्रह गरेको छ।

संघले एक वक्तव्य जारी गर्दै प्रदर्शनका क्रममा राप्रपा नेतासहित दर्जनौँ राजावादी कार्यकर्ताको गिरफ्तारीप्रति कडा आपत्ति जनाएको छ। ‘हामी शान्तिपूर्ण रूपमा राजनीतिक विचार व्यक्त गरेका नागरिकहरूको गैर कानुनी गिरफ्तारीको तत्काल र बिना सर्त रिहाइको माग गर्दछौँ’ वक्तव्यमा भनिएको छ।