कर्णालीमा बालविवाह भयावह, २१ प्रतिशत किशोरी २० वर्ष नपुग्दै हुन्छन् गर्भवती

सुर्खेत । कर्णाली प्रदेशमा बालविवाहको अवस्था भयावह रहेको पाइएको छ । नेपालमा बालविवाह अन्त्यका लागि विभिन्न प्रयास भइरहे पनि कर्णाली प्रदेशमा त्यसको खासै प्रभाव परेको देखिएको छैन ।

सबैभन्दा धेरै बालविवाह मधेस प्रदेशमा (४२.४ प्रतिशत) हुने गरेको छ । राष्ट्रिय मानव अधिकार आयोगका अनुसार, त्यसपछि कर्णालीमा १८ वर्ष नपुग्दै विवाह गर्ने बालिकाको संख्या ३७.९ प्रतिशत छ, जुन राष्ट्रिय औसत ३५.१ प्रतिशतभन्दा बढी हो ।