लयमा फर्किएका ललित

केही महिनायता ललितनारायण राजवंशीको प्रदर्शन हेर्दा धेरैलाई लाग्न थालेको थियो, अब उनको बलमा ‘टर्न’ बाँकी रहेन। किनभने, पछिल्ला १३ मध्ये सात खेलमा उनी विकेटविहीन थिए।

तर, आईसीसी क्रिकेट विश्वकप लिग-२ अन्तर्गत ४ जेठमा कीर्तिपुरस्थित त्रिवि क्रिकेट मैदानमा भएको स्कटल्यान्डविरुद्धको नेपालले जित्नैपर्ने खेलमा उनले यसलाई गलत साबित गरिदिए। बललाई पुरानै लयमा ‘टर्न’ गराउँदै ललितले चार विकेट लिए। उनको प्रदर्शनमा आशंका गर्ने सबै चकित परे।