विश्वकपले कहिल्यै नबिर्सने 'ब्लु सार्क्स' : हारेर पनि 'हर्ट विनर' बनेको केप भर्डे !

केप भर्डे यसपालि फिफा विश्वकपकै सबैभन्दा सानो राष्ट्र थियो होला, तर प्रतियोगितामा उसले छोडेको छाप भने निकै ठुलो र गहिरो छ। किलियन एम्बाप्पे, लियोनेल मेसी, क्रिस्टियानो रोनाल्डो, एर्लिङ हालान्ड र ह्यारी केनजस्ता स्थापित सुपरस्टारहरूलाई केही बेरका लागि बिर्सिदिनुस्, किनकि यस पटकको प्रतियोगितामा डेब्यु गरेको एउटा सानो टोली नै विश्वकै ध्यानको केन्द्र बन्यो ।

स्पेनविरुद्धको खेलमा पहिलो विश्वकप अंक दिलाउन गोलकिपर भोजिन्हाले देखाएको बहादुरी होस् वा उरुग्वेविरुद्ध पहिलो विश्वकप गोल गर्दाको रोमान्च, अथवा अर्जेन्टिना विरुद्धको खेलमा सिड्नी लोपेस काब्रालले प्रहार गरेको त्यो सनसनीपूर्ण गोल, जसले प्रतियोगिताकै सबैभन्दा ठुलो उलटफेरको संकेत गरेको थियो- केप भर्डेको विश्वकप यात्रामा एउटा पूर्ण नाटकका सबै तत्त्वहरू थिए ।