अमेरिकामा आईफोन उत्पादन नगरे २५% कर लाग्ने ट्रम्पको चेतावनी

अमेरिकी राष्ट्रपति डोनल्ड ट्रम्पले एप्पललाई अमेरिकामै आईफोन उत्पादन गर्न दबाब दिएका छन् । शुक्रबार आफ्नो सामाजिक सञ्जाल ट्रुथ सोसलमा ‍एक पोस्ट गर्दै राष्ट्रपति ट्रम्पले हाल अमेरिकामा बिक्री हुनुअघि सबै आईफोन भारत वा अन्य देशमा नभई अमेरिकामै बन्नुपर्ने अडान राखेका ‍छन् ।​ ​

“मैले धेरै अगाडि एप्पलका टिम कुकलाई अमेरिकामा बिक्री हुने आईफोन भारत वा अन्य देशमा नभई अमेरिकामै बनेको हुनुपर्छ भनेर सुचित गरेको थिएँ,” ट्रम्प्ले लेखेका छन्, “यदि त्यसो भएन भने उनीहरूले अमेरिकामा बेचिने आईफोनमा कम्तिमा पनि २५ प्रतिशत कर तिर्नुपर्ने हुन्छ ।”